ఏడాదంతా పుష్కరమే.

-అంత్య పుష్కరాల తర్వాతే కృష్ణను వీడనున్న పుష్కరుడు
-12వ రోజూ ఘాట్లకు భారీ సంఖ్యలో భక్తుల హాజరు
-చివరి రోజు 9లక్షల మంది భక్తజనుల పుణ్య స్నానాలు
-వాడపల్లిలో అలరించిన హంస వాహనసేవ
కృష్ణా పుష్కర వేడుకలో పన్నెండు రోజుల ఆది పండుగ అత్యద్భుతంగా ముగిసింది. పుష్కర వేడుక మాత్రం ఏడాదిపాటు నిరంతరాయంగా కొనసాగనుంది. బృహస్పతి కన్యారాశి ప్రవేశంతో కృష్ణవేణిలో ప్రవేశించిన పుష్కరుడు మాత్రం ఏడాదిపాటు నదిలో ఉండడమే ఇందుకు కారణం. వచ్చే జూలై చివర్లో అం పుష్కరాలు ముగిసే వరకు.. కృష్ణానదిలో భక్త జనం పుష్కర స్నానాలు ఆచరించవచ్చు. గ్రహబలం అధికంగా ఉండడమే కాకుండా.. పుణ్యఫలం ఎక్కువగా దక్కే అవకాశం ఉంటుందనే కారణంతోనే తొలి 12రోజులకు అధిక ప్రాధాన్యం ఉన్నా… జీవనది కృష్ణ ఏడాదిపాటు పుష్కరశోభతో అలరారుతూనే ఉంటుంది. ఆది పండుగ 12రోజుల్లోని చివరి రోజు కూడా 9లక్షల మంది భక్తులు జిల్లాలో పుష్కర స్నానం ఆచరించారు.

చివరి రోజూ అదే జోరు.. మొదటి రోజు వచ్చిన భక్తుల కంటే మూడింతల మంది అధనం కావడం మరింత విశేషం. 12 రోజుల్లో జిల్లా అం తటా 72 లక్షల మంది భక్తులు పుష్కరాలకు హాజరుకాగా.. చివరి రోజు సాయంత్రం ఆరు గంటల వరకు అన్ని ఘాట్లలో కలిపి మొత్తం 8,68,718 మంది భక్తులు పుష్కర స్నానాలు ఆచరించారు. రాత్రి వరకు ఈ సంఖ్య 10,34,133 చేరుకుంది. మొత్తం 28 ఘాట్లలో చివరి రోజు ఉద యం నుంచే భక్తుల రద్దీ కొనసాగింది. ముఖ్యంగా ఆఖరిరోజు కూడా నాగార్జున సాగర్ శివాలయం ఘాట్‌లోనే అత్యధిక మంది భక్తులు పిండ ప్రదానాలు నిర్వహించి పుష్కర స్నానాలు చేశారు. సాగర్‌లోని మొత్తం మూడు ఘాట్లలో సుమారు 3 లక్షల మంది భక్తులు హాజరయ్యారు.

ఒక్క శివాలయం ఘాట్‌లోనే 2 లక్షల కంటే ఎక్కువ మంది భక్తులు పుష్కర వేడుకల్లో పాల్గొన్నారు. వాడపల్లిలోనూ చివరిరోజు భక్త జనులు బారులు కొనసాగాయి. ఇక్కడకూడా ప్రదానంగా శివాలయం ఘాట్‌లోనే ఎక్కువ మంది భక్తులు పుష్కరస్నానాలు ఆచరించారు. 12వ రోజు వాడపల్లితో పాటు దామరచర్ల మండలంలోని 8 ఘాట్లలో కలిపి మొత్తం సుమారు 2 లక్షల మంది భక్తులు పుష్కర వేడుకల్లో పాల్గొన్నారు. ఆ తర్వాత మట్టపల్లితోపాటు దర్వేశిపురంలోనూ లక్ష మంది కంటే ఎక్కువ భక్తులు పుష్కరాలకు హాజరయ్యారు.

చివరి రోజు పుష్కరాలకు ప్రముఖుల క్యూ..
కృష్ణా పుష్కరాల చివరిరోజు నాడు వివిధ ఘాట్లలో పలువురు ప్రముఖులు పుష్కర స్నానాలు చేశారు. అంతకు ముందు పిండ ప్రదానాలు కూడా నిర్వహించారు. నాగార్జున సాగర్‌లోని శివాలయం వీఐపీ ఘాట్‌లో సీఎల్పీ నేత కుందూరు జానారెడ్డి, పీసీసీ వర్కింగ్ ప్రెసిడెంట్ మల్లు భట్టి విక్రమార్క, శాసన మండలి చైర్మన్ స్వామిగౌడ్, హైదరాబాద్ మేయర్ బొంతు రామ్మోహన్ వేర్వేరుగా పుష్కర స్నానాలు చేసి.. కృష్ణవేణికి ప్రత్యేక పూజలు నిర్వహించారు.

మట్టపల్లి పుష్కరఘాట్‌లో ఎస్సీ కార్పొరేషన్ చైర్మన్ పిడమర్తి రవి, రాజ్యసభ సభ్యుడు కెప్టెన్ లక్ష్మీకాంతరావు, హిమాలయాల నుంచి సాధువులు గణేష్ మహరాజ్ సహా పలువురు పుణ్య స్నానాలు ఆచరించారు. వీరితోపాటు ఇంకా పలువురు జిల్లాలోని పలు మారుమూల ఘాట్లలోనూ పుష్కర స్నానాలు చేయడం విశేషం. చివరిరోజు రాష్ట్ర డీజీపీ అనురాగ్ శర్మ పోలీసు ఉన్నతాధికారులతో కలిసి వాడపల్లి, నాగార్జున సాగర్‌లో పుష్కరఘాట్లను పరిశీలించారు. పోలీసుల కృషిని అభినందించారు.

అలరించిన సాంస్కృతిక కార్యక్రమాలు
12 రోజుల పుష్కర వేడుక ముగింపు సందర్భంగా వాడపల్లిలో జిల్లా అధికారులు ప్రత్యేక కార్యక్రమాలు నిర్వహించారు. ఉదయం శివకల్యాణంతోపాటు సాయంత్రం ఉత్సవ విగ్రహాలను నదిలో హంసవాహనం ద్వారా ఊరేగించారు. వాడపల్లిలో మొత్తం 8 పుష్కరఘాట్లలోనూ హంసవాహనానికి ప్రత్యేక హారతులు ఇచ్చారు. కన్నుల పండువగా సాగిన ఈ కార్యక్రమంలో జిల్లా కలెక్టర్ సత్యనారాయణ రెడ్డి, ఎస్పీ ప్రకాష్ రెడ్డి, ఎంపీ గుత్తా సుఖేందర్ రెడ్డి, ఎమెల్యే భాస్కర్‌రావుతోపాటు ఏజేసీ వెంకట్రావ్ పలువురు అధికారులు పాల్గొన్నారు.

వీటితోపాటు జిల్లా వ్యాప్తంగా సాగర్, మట్టపల్లి, మహంకాళిగూడెం, పానగల్, దర్వేశీపురం ఘాట్ల వద్ద చివరిరోజు నిర్వహించిన సాంస్కృతిక కార్యక్రమాలు అంగరంగ వైభవంగా సాగాయి. 12 రోజుల పండుగ ముగిసినా పుష్కరుడు ఏడాదిపాటు కృష్ణా నదిలోనే ఉండనున్నందున.. జిల్లాలోని కృష్ణాతీరానికి ఏడాది పొడవునా భక్తుల తాకిడి కొనసాగే అవకాశం ఉంది. వచ్చే ఏడాది కృష్ణా అంత్య పుష్కరాలు పూర్తయిన తర్వాత కావేరీ నదిలో పుష్కరుడి ప్రవేశం జరుగుతుంది.

Source:http://www.namasthetelangaana.com/Districts/Nalgonda/%E0%B0%8F%E0%B0%A1%E0%B0%BE%E0%B0%A6%E0%B0%82%E0%B0%A4%E0%B0%BE-%E0%B0%AA%E0%B1%81%E0%B0%B7%E0%B1%8D%E0%B0%95%E0%B0%B0%E0%B0%AE%E0%B1%87-22-599854.aspx

ముగిసిన కృష్ణా పుష్కరాలు

krishna-sm తెలంగాణలో కృష్ణా పుష్కరాలు అత్యంత వైభవోపేతంగా కొనసాగాయి. అన్ని పుష్కరఘాట్ల వద్ద నదీ హారతితో పుష్కరాలు ముగిశాయి. నదీ హారతి కార్యక్రమం అన్ని పుష్కరఘాట్ల వద్ద రాత్రి 7 గంటలకు జరిగింది. పన్నెండు రోజుల పాటు పుష్కరఘాట్లన్నీ భక్తుల పుణ్యస్నానాలతో పులకరించిపోయాయి. నదీ తీరంలోని ఆలయాలన్నీ భక్త జనంతో కిటకిటలాడాయి. ఆగస్టు 12 నుంచి నేటి వరకు జరిగిన పుష్కరాల్లో 2 కోట్ల 50 లక్షల 98 వేల 831 మంది పుణ్యస్నానాలు ఆచరించారు. మహబూబ్‌నగర్ జిల్లాలో కోటి 80 లక్షల 11 వేల 801 మంది, నల్లగొండ జిల్లాలో 70 లక్షల 87 వేల 30 మంది భక్తులు పుణ్యస్నానాలు చేశారు. 430

Source:http://www.namasthetelangaana.com/telangana-news/krishna-pushkaralu-in-telangana-1-1-502340.html

73లక్షలు

-12 రోజులు పుష్కలంగా భక్తులు
-సగటున రోజుకు 6లక్షల మంది పుష్కర స్నానం
-నాగార్జునసాగర్‌కు అత్యధికంగా 26లక్షల మంది రాక
జిల్లాలోని రహదారులన్నీ పుష్కర వాహనాల మయం.. కృష్ణా తీరంలోని పుష్కర ఘాట్లన్నీ భక్తజన పూరితం.. పన్నెండు రోజుల కృష్ణా పుష్కర వేడుక ఆద్యంతం కొనసాగిన తీరిది. రోజూ సగటున 6.1 లక్షలు.. 12 రోజుల్లో 73.14 లక్షలు.. వెల్లువలా జిల్లాకు పోటెత్తిన పుష్కర భక్తులు కృష్ణా నదిలో స్నానాలతో పుణ్యం పొందారు. అత్యధికంగా ఒకేరోజు గత ఆదివారం 15లక్షల మంది భక్తులు జిల్లాకు రాగా.. అత్యధికంగా సాగర్ శివాలయం ఘాట్‌లో 20లక్షల మంది పుష్కర స్నానం చేశారు.
నల్లగొండ ప్రతినిధి, నమస్తే తెలంగాణ : సాగిన దారులన్నీ కృష్ణ చెంతకే.. కదిలిన జనమంతా పుష్కర స్నానానికే.. 12 రోజుల పాటు జిల్లాలో నెలకొన్న పరిస్థితి ఇది. వివిధ జిల్లాలే కాదు.. పలు రాష్ర్టాలు, విదేశాల నుంచి సైతం భక్తజనం లక్షల సంఖ్య పుష్కర కృష్ణ చెంతకు బారులు తీరింది. ఫలితంగా రాష్ట్రంలోనే తొలి కృష్ణా పుష్కరాల 12 రోజుల వేడుకలో జిల్లా వ్యాప్తంగా 73.14 లక్షల పుష్కర స్నానాలు చేయించింది. ఆది నుంచీ భక్తుల తాకిడి అధికంగానే ఉన్నప్పటికీ ద్వితీయార్థంలో రద్దీ అనూహ్యంగా పెరిగింది. 12 రోజుల్లో ప్రతిరోజూ జిల్లాకు సగటున 6.10 లక్షల మంది భక్తులు హాజరయ్యారు. ప్రతిరోజూ లక్షల సంఖ్యలో వాహనాలు జిల్లాకు వచ్చి వెళ్లాయి. జిల్లాలోని ప్రజల్లో సగం కంటే ఎక్కువ మంది పుష్కర స్నానాల్లో పాల్గొన్నారు.

చివరి మూడు రోజుల్లోనే 36 లక్షల మంది
కిక్కిరిసిన రహదారులు.. కిటకిటలాడిన పుష్కరఘాట్లు 12 రోజుల పాటు జల జాతరను తలపించాయి. జన జాతరను మురిపించాయి. 12 రోజుల కృష్ణా పుష్కర తొలి వేడుకలో జిల్లా అంతటా మొత్తం 73.14 లక్షల మంది భక్తులు పుష్కర స్నానాలు ఆచరించగా.. అత్యధికంగా నాగార్జున సాగర్‌లోనే 25 లక్షల మంది భక్తులు పాల్గొన్నారు. సాగర్‌లోని ఒక్క శివాలయం ఘాట్‌లోనే 19 లక్షల మంది భక్తులు హాజరుకాగా.. జిల్లాలోని ఏ ఊరిలోనూ అన్ని ఘాట్లను కలుపుకున్నా ఈ సంఖ్యను దాటకపోవడం గమనార్హం. రెండోస్థానంలో 16 లక్షల మంది భక్తుల రాకతో వాడపల్లి నిలవగా.. దర్వేశీపురం, మట్టపల్లి పుష్కరఘాట్లలో 10 లక్షల మంది చొప్పున భక్తులు హాజరయ్యారు.

చివరి మూడు రోజుల్లోనే 36 లక్షల మంది భక్తులు పుష్కర స్నానాలు చేయడం విశేషం. ముఖ్యంగా పుష్కరాల పదో రోజు అయిన గత ఆదివారం నాడు ఒకేరోజు 15 లక్షల మంది భక్తులు పుష్కరాల కోసం తరలివచ్చారు. ఆ తర్వాత సోమవారం 11 లక్షలు.. చివరిరోజు మంగళవారం 10 లక్షల మందికి పైగా భక్తులు పుష్కర స్నానాలు ఆచరించారు. తొలి తొమ్మిదిరోజుల్లో వచ్చిన భక్తుల సంఖ్యకు.. చివరి మూడు రోజుల్లో వచ్చిన భక్తుల సంఖ్య సమానంగా ఉండడం విశేషం.

పుష్కర వేడుకను అత్యద్భుతంగా నిర్వహించిన యంత్రాంగం
ఆది నుంచీ ప్రభుత్వ తోడ్పాటుతో భారీగా నిధులు సంపాధించడమే కాదు.. పక్కాగా ఏర్పాట్లు చేపట్టిన జిల్లా యంత్రాంగం.. 12 రోజుల కృష్ణా పుష్కర వేడుకను సైతం ఎక్కడా ఎలాంటి పొరపాట్లు, ఇబ్బందులు తలెత్తకుండా ఘనంగా నిర్వహించింది. మంత్రులు గుంటకండ్ల జగదీష్ రెడ్డి, దేవాదాయ శాఖ మంత్రి ఇంద్రకరణ్ రెడ్డి పుష్కర పనులను ఎప్పటికప్పుడు పర్యవేక్షించడమే కాకుండా.. స్వయంగా నిర్వహణను కూడా పరిశీలించిన సంగతి తెలిసిందే. జిల్లా మంత్రి ప్రతిరోజూ ఉన్నతాధికారులతో ఉదయం, సాయంత్రం వివరాలు ఆరా తీసి పక్కా నిర్వహణకు ప్రోత్సహించారు. ప్రభుత్వం కేటాయించిన భారీ నిధులతో జిల్లా కలెక్టర్ సత్యనారాయణ రెడ్డి అన్ని శాఖలను సమన్వయం చేసుకుంటూ ఘనంగా నిర్వహించడంలో విజయం సాధించారు.

ముఖ్యంగా అన్ని ప్రభుత్వ శాఖలను అత్యద్భుతంగా సమన్వయం చేస్తూ అతిపెద్ద వేడుకను విజయవంతంగా ముగించారు. అద్దంలా మెరిసిన అన్ని పుష్కర ఘాట్లు పరిశుభ్రతకు కొత్త అర్థాన్నిచ్చే విధంగా జేసీ సత్యనారాయణ ఆధ్వర్యంలో శానిటేషన్ కార్యక్రమం విజయంవంతంగా కొనసాగింది. పిన్ పాయింట్ శానిటేషన్ విధానంలో 73 లక్షల మంది భక్తులు వచ్చినా అపరిశుభ్రత నెలకొనకుండా చర్యలు చేపట్టడంలో ప్లాన్ పక్కాగా అమలయ్యింది. జిల్లాకు 12 రోజుల్లో లక్షల సంఖ్యలో వాహనాలు తరలి వచ్చినా ఎక్కడా ట్రాఫిక్ సమస్యలు తలెత్తకుండా ఎస్పీ ప్రకాష్ రెడ్డి ఆధ్వర్యంలో జిల్లా పోలీసు యంత్రాంగం పక్కాగా తమ వంతు బాధ్యతను నిర్వర్తించింది.

ఘాట్ల దగ్గర కూడా ఎలాంటి భద్రతా సమస్యలు తలెత్తకపోవడం పోలీసుల పనితీరుకు అద్దం పడుతోంది. దొంగతనాలు జరగకుండా.. మహిళా భక్తులకు ఇబ్బందులు కలగకుండా సీసీ కెమెరాలు, షీ టీమ్‌లు, వాచ్ టవర్లు, డ్రోన్ కెమెరాల ఆద్వర్యంలో అన్ని చర్యలనూ పోలీసు శాఖ విజయవంతంగా నిర్వహించింది. ఘాట్ ఇంచార్జీ అధికారులు, ప్రభుత్వ శాఖల సిబ్బంది, సేవా సంస్థలు తమ వంతు బాధ్యతను పక్కాగా.. బాధ్యతగా కాకుండా సేవా కార్యక్రమంలా నిర్వహించాయి. పుష్కరాలను విజయవంతం చేశాయి. జిల్లా ప్రజల, పుష్కరఘాట్ల సమీప ప్రాంత వాసుల సహకారం కూడా ఎంతో ఉంది.

సమష్టి కృషితో విజయవంతం
– సత్యనారాయణ రెడ్డి, జిల్లా కలెక్టర్
75 లక్షల మంది భక్తులు వచ్చినా అందరి సహాయ సహకారాలతో పుష్కర వేడుకను విజయవంతంగా నిర్వహించుకున్నాం. మొత్తం 15వేల మంది సిబ్బంది, పోలీసులు, 2వేల మంది వాలంటీర్లు 12 రోజుల పాటు తీవ్రంగా శ్రమించారు. ఇంజినీరింగ్ విభాగాల్లో ఎస్‌ఈల నుంచి ఏఈల వరకు ముందు నుంచే పని చేశారు. ఇరిగేషన్, ఆర్‌అండ్‌బీ, పంచాయతీరాజ్, ఆర్‌డబ్లూఎస్, డీపీఓ, వైద్యశాఖ, ఆర్టీసీ, విద్యుత్, దేవాదాయ, పోలీసుశాఖ ప్రతి ఒక్కరూ విజయవంతంగా కర్తవ్యాన్ని సేవా కార్యక్రమంలా నిర్వహించారు.

శానిటేషన్ వర్కర్ నుంచి మొదలుకుని అని శాఖల అధికారులు, పోలీసు అధికారులు, ఎస్పీ కలసికట్టుగా చేసిన పనికి ప్రతిఫలమే ఈ ఫలితం. ముఖ్యంగా ఘాట్ల వద్ద నీటి కొరత లేకుండా విడుదల చేసేందుకు సీఎం కేసీఆర్ తీసుకున్న చొరవ.. పుష్కర పనులను అనునిత్యం పర్యవేక్షించిన మంత్రులు జగదీష్ రెడ్డి, ఇంద్రకరణ్ రెడ్డిల ప్రోత్సాహం మరువలేనిది. మంత్రులు స్వయంగా పుష్కరాల నిర్వహణను పరిశీలించడమే కాకుండా.. ప్రతిరోజూ మానిటరింగ్ కూడా నిర్వహించారు. మీడియా సహకారం ఎంతగానో కొనసాగింది. ప్రతి ఒక్కరికీ పేరు పేరునా ధన్యవాదాలు.

అందరి సహకారంతోనే సఫలీకృతం
– ప్రకాష్ రెడ్డి, జిల్లా ఎస్పీ
మా పోలీసులు, అన్ని శాఖల అధికారులు, సిబ్బంది సమన్వయంతోనే పుష్కరాలను విజయవంతంగా నిర్వహించుకోగలిగాం. 12 రోజుల పాటు చాలాపెద్ద ఎత్తున సుమారు 75 లక్షల మంది భక్తులు తరలి వచ్చారు. ఎక్కడ కూడా ఎలాంటి సమస్య లేకుండా అని శాఖల సమన్వయంతో పక్కా ప్లాన్‌తో పని చేశాం. ట్రాఫిక్‌తోపాటు ఘాట్ల వద్ద భద్రతా ఏర్పాట్లు ఎవరికీ ఇబ్బందులు తలెత్తకుండా నిర్వహించాం. షీ టీమ్స్, సీసీ కెమెరాలతో సునిశితమైన నిఘా కొనసాగించాం. భక్తులకు ఒకటీరెండు రోజులు కొంత ఇబ్బంది నెలకొన్నా.. ఘాట్ల వద్దకు బస్సులు నడిపించడంతో తర్వాత వచ్చిన వారు సంతోషం వ్యక్తం చేశారు. ఇందుకు భక్తుల సహకారం కూడా చాలా అందింది. ఎప్పటికప్పుడు సమాచారం అందించడంలో ప్రత్యేక ఆప్‌తోపాటు మీడియా పాత్ర అమోఘమైనది. అందరికీ కృతజ్ఞతలు.

ఘాట్ల వారీగా హాజరైన భక్తులు
సాగర్ శివాలయం : 19,58,049
ఉట్లపల్లి ఘాట్ : 94,685
వీరాంజనేయ స్వామి : 5,32,273
పొట్టిచెల్మ ఘాట్ : 5,136
సాగర్ మొత్తం : 25,90,143
వాడపల్లి (8ఘాట్లు) : 15,88,586
మట్టపల్లి : 9,21,046
దర్వేశిపురం : 8,86,127
మహంకాళిగూడెం : 2,49,900
పానగల్ : 2,44,718
అడవిదేవులపల్లి : 2,09,363
కాచరాజుపల్లి : 2,68,035
ఇర్కిగూడెం : 88,707
వజినేపల్లి : 74,282
కనగల్ : 73,265
ముదిమాణిక్యం : 64,787
బుగ్గమాదారం : 55,116
కిష్టాపురం : 19,754
అజ్మాపురం : 19,639
పెద్ద మునిగల్ : 14,917
మొత్తం : 73,14,842

Source:http://www.namasthetelangaana.com/Districts/Nalgonda/73%E0%B0%B2%E0%B0%95%E0%B1%8D%E0%B0%B7%E0%B0%B2%E0%B1%81-22-599853.aspx

చరిత్రలో నిలిచేలా..

-కృష్ణా పుష్కరాలు విజయవంతంగా నిర్వహించుకున్నాం
-నిర్వహణలో ప్రతీ అధికారి, సిబ్బంది కృషి అత్యద్భుతం
-పరిశుభ్ర వాతావరణం.. ట్రాఫిక్ నియంత్రణ అమోఘం
-సహకరించిన ప్రజలకు కృతజ్ఞతలు : మంత్రి జగదీష్‌రెడ్డి
చరిత్రలో నిలిచిపోయే విధంగా కృష్ణా పుష్కరాలను జిల్లా యంత్రాంగం, ప్రజానీకం అత్యద్భుతంగా నిర్వహించారని.. ఇందుకోసం పని చేసిన ప్రతీ ఒక్కరి కృషి అమోఘమని జిల్లా మంత్రి గుంటకండ్ల జగదీష్‌రెడ్డి ప్రశంసించారు. తెలంగాణలో తొలి కృష్ణా పుష్కరాలను పక్కా ప్రణాళికలతో ఘనంగా నిర్వహించిన యంత్రాంగాన్ని ఆయ న అభినందించారు. ముఖ్యంగా పారిశుధ్యం, ట్రాఫిక్ సమస్యలు రాకుండా ఆయా విభాగాలు బాగా పని చేశాయని.. విద్యుత్, ఆర్టీసీ సిబ్బంది గణ నీయమైన సేవలు అందించారని పేర్కొన్నా రు.

పుష్కర పండుగ నిర్వహణలో సహకరించిన జిల్లా వాసులకూ కృతజ్ఞతలు చెప్పిన మంత్రి.. అంత్యపుష్కరాలు ముగిసే వరకు ఏడాదిపాటు వచ్చే భక్తులను సైతం సాదరంగా స్వాగతించాలని అన్నారు.తెలంగాణ రాష్ట్రంలో మొదటి కృష్ణా పుష్కరాల పన్నెండు రోజుల తొలి అంకం విజయవంతంగా ముగిసిందని రాష్ట్ర విద్యుత్, ఎస్సీ కు లాల అభివృద్ది శాఖ మంత్రి గుంటకండ్ల జగదీష్ రెడ్డి అన్నారు. వీటిని విజయవంతం చేసిన ఉద్యోగులు, సిబ్బంది, సహకరించిన ప్రతి ఒక్కరికి కృతజ్ఞతలు తెలిపారు. గోదావరి నదీ జలాల ఒప్పం దం విషయమై సీఎం కేసీఆర్‌తోపాటు ముంబై వెళ్లిన మంత్రి.. పుష్కరాల్లో 12రోజుల ముగింపు సందర్భంగా ప్రకటన విడుదల చేశారు.

కనీవిని ఎరుగని రీతిలో ముఖ్యమంత్రి కేసీఆర్ పుష్కరాల నిర్వహణ కోసం జిల్లాలో సుమారు రూ.500 కోట్ల వ్యయంతో ఏర్పాట్లు చేశామన్నారు. నిధుల విషయంలో కేసీఆర్ చలువతో పాటు.. కార్యక్రమం విజయవంతంగా నిర్వహించడంలో కలెక్టర్ సత్యనారాయణరెడ్డి, ఎస్పీ ప్రకాష్‌రెడ్డి అద్భుతంగా పర్యవేక్షించారని కితాబిచ్చారు. 12రోజుల కార్యక్రమంలో 72లక్షల మంది భక్తులు హాజరైనా.. విజయవంతంగా ముగించడంలో జిల్లా అధికారుల పాత్ర కీలకమైందని అభినందించారు.

పారిశుధ్యం పనులు అత్యద్భుతం
– మంత్రి జగదీష్‌రెడ్డి
పుష్కర జాతరలో లక్షల మంది వచ్చినా పారిశుధ్య పనుల పర్యవేక్షణలో ప్రత్యేక శ్రద్ధ కనబర్చిన అధికార యంత్రాంగం పని తీరును మంత్రి జగదీష్‌రెడ్డి ప్రత్యేకంగా ప్రశంసించారు. తనకున్న గత అనుభవంతో పారిశుధ్య పనులను ప్రత్యేకంగా పర్యవేక్షించిన జేసీ సత్యనారాయణను అభినందించారు. సకాలంలో ఘాట్ల నిర్మాణం చేసిన ఇరిగేషన్, ఆర్‌అండ్‌బీ అధికారులతో పాటు ఏజేసీ వెకంట్‌రావు, డీఆర్‌డీఏ పీడీ అంజయ్య, జడ్పీ సీఈఓ మహేందర్‌రెడ్డి, డ్వామా పీడీ దామోదర్‌రెడ్డితో పాటు వైద్య ఆరోగ్య శాఖ సిబ్బంది సేవలే కాకుండా.. స్వచ్ఛందంగా పుష్కర సేవలో పా ల్గొన్న సత్యసాయి సేవా సమితి, ఎన్‌ఎస్‌ఎస్, కల్కి సేవా సమితి, తెలంగాణ జాగృతి సంస్థల సేవలు వెలకట్టలేనివని మంత్రి కొనియాడారు.

పోలీసుల పాత్ర అమోఘం : మంత్రి
ట్రాఫిక్ నియంత్రణలో ఎన్ని ఒత్తిళ్లు ఎదురైనా మొక్కవోని ధైర్యంతో కంట్రోల్ చేసిన పోలీస్ శాఖను ఆయన అభినందించారు. జిల్లా ఎస్పీ ప్రకాష్‌రెడ్డి తనదైన పక్కా ప్రణాళికతో పోలీసు బృందాన్ని విజయవంతంగా ముందుకు నడిపించారని తెలిపారు. దేవాదాయ శాఖ అధికారులు చేసిన ఏర్పాట్లు మట్టపల్లి, వాడపల్లి లాంటి పుణ్యక్షేత్రాల్లో పుష్కర భక్తులకు అన్నదానం చేసిన ఆయా సత్రాల నిర్వాహకుల సేవలు పుష్కరాల చరిత్రలో నిలిచి పోతాయన్నారు. వీటన్నింటికి మించి ఎన్ని ఒత్తిళ్లు ఎదురైనా పాజిటివ్ కోణంలో ఎప్పటికప్పుడు వార్తలు అందించి చక్కని తోడ్పాటునిచ్చిన మీడియా ప్రతినిధులకు, సంస్థలకు మంత్రి జగదీష్‌రెడ్డి ప్రత్యేక కృతజ్ఞతలు తెలిపారు.

విద్యుత్ ప్రసారంలో అంతరాయం లేకుండా శ్రమించిన విద్యుత్ శాఖ సిబ్బంది, ప్రయాణీకులను చేరవేసిన ఆర్టీసీ యంత్రాంగం పని తీరు ఈ పుష్కరాల్లో ముఖ్య భూమిక పోషించాయన్నారు. తెలంగాణ ప్రభుత్వం చేసిన ఏర్పాట్లకు తోడు విజయవంతం చేయడంలో చక్కటి సహకారం, సూచనలు సలహాలు అందించిన ప్రతీ ఒక్కరిని మంత్రి అభినందించారు. ప్రభుత్వానికి సహకారమందిం చి పుష్కరాల విజయవంతంలో కీలక పాత్ర పో షించిన భక్తులకు ధన్యవాదాలు తెలిపారు.

Source:http://www.namasthetelangaana.com/Districts/Nalgonda/%E0%B0%9A%E0%B0%B0%E0%B0%BF%E0%B0%A4%E0%B1%8D%E0%B0%B0%E0%B0%B2%E0%B1%8B-%E0%B0%A8%E0%B0%BF%E0%B0%B2%E0%B0%BF%E0%B0%9A%E0%B1%87%E0%B0%B2%E0%B0%BE-22-599855.aspx

ఏడాదంతా పుష్కరమే..

-అంత్య పుష్కరాల తర్వాతే కృష్ణను వీడనున్న పుష్కరుడు
-12వ రోజూ ఘాట్లకు భారీ సంఖ్యలో భక్తుల హాజరు
-చివరి రోజు 9లక్షల మంది భక్తజనుల పుణ్య స్నానాలు
-వాడపల్లిలో అలరించిన హంస వాహనసేవ
కృష్ణా పుష్కర వేడుకలో పన్నెండు రోజుల ఆది పండుగ అత్యద్భుతంగా ముగిసింది. పుష్కర వేడుక మాత్రం ఏడాదిపాటు నిరంతరాయంగా కొనసాగనుంది. బృహస్పతి కన్యారాశి ప్రవేశంతో కృష్ణవేణిలో ప్రవేశించిన పుష్కరుడు మాత్రం ఏడాదిపాటు నదిలో ఉండడమే ఇందుకు కారణం. వచ్చే జూలై చివర్లో అం పుష్కరాలు ముగిసే వరకు.. కృష్ణానదిలో భక్త జనం పుష్కర స్నానాలు ఆచరించవచ్చు. గ్రహబలం అధికంగా ఉండడమే కాకుండా.. పుణ్యఫలం ఎక్కువగా దక్కే అవకాశం ఉంటుందనే కారణంతోనే తొలి 12రోజులకు అధిక ప్రాధాన్యం ఉన్నా… జీవనది కృష్ణ ఏడాదిపాటు పుష్కరశోభతో అలరారుతూనే ఉంటుంది. ఆది పండుగ 12రోజుల్లోని చివరి రోజు కూడా 9లక్షల మంది భక్తులు జిల్లాలో పుష్కర స్నానం ఆచరించారు.

చివరి రోజూ అదే జోరు.. మొదటి రోజు వచ్చిన భక్తుల కంటే మూడింతల మంది అధనం కావడం మరింత విశేషం. 12 రోజుల్లో జిల్లా అం తటా 72 లక్షల మంది భక్తులు పుష్కరాలకు హాజరుకాగా.. చివరి రోజు సాయంత్రం ఆరు గంటల వరకు అన్ని ఘాట్లలో కలిపి మొత్తం 8,68,718 మంది భక్తులు పుష్కర స్నానాలు ఆచరించారు. రాత్రి వరకు ఈ సంఖ్య 10,34,133 చేరుకుంది. మొత్తం 28 ఘాట్లలో చివరి రోజు ఉద యం నుంచే భక్తుల రద్దీ కొనసాగింది. ముఖ్యంగా ఆఖరిరోజు కూడా నాగార్జున సాగర్ శివాలయం ఘాట్‌లోనే అత్యధిక మంది భక్తులు పిండ ప్రదానాలు నిర్వహించి పుష్కర స్నానాలు చేశారు. సాగర్‌లోని మొత్తం మూడు ఘాట్లలో సుమారు 3 లక్షల మంది భక్తులు హాజరయ్యారు.

ఒక్క శివాలయం ఘాట్‌లోనే 2 లక్షల కంటే ఎక్కువ మంది భక్తులు పుష్కర వేడుకల్లో పాల్గొన్నారు. వాడపల్లిలోనూ చివరిరోజు భక్త జనులు బారులు కొనసాగాయి. ఇక్కడకూడా ప్రదానంగా శివాలయం ఘాట్‌లోనే ఎక్కువ మంది భక్తులు పుష్కరస్నానాలు ఆచరించారు. 12వ రోజు వాడపల్లితో పాటు దామరచర్ల మండలంలోని 8 ఘాట్లలో కలిపి మొత్తం సుమారు 2 లక్షల మంది భక్తులు పుష్కర వేడుకల్లో పాల్గొన్నారు. ఆ తర్వాత మట్టపల్లితోపాటు దర్వేశిపురంలోనూ లక్ష మంది కంటే ఎక్కువ భక్తులు పుష్కరాలకు హాజరయ్యారు.

చివరి రోజు పుష్కరాలకు ప్రముఖుల క్యూ..
కృష్ణా పుష్కరాల చివరిరోజు నాడు వివిధ ఘాట్లలో పలువురు ప్రముఖులు పుష్కర స్నానాలు చేశారు. అంతకు ముందు పిండ ప్రదానాలు కూడా నిర్వహించారు. నాగార్జున సాగర్‌లోని శివాలయం వీఐపీ ఘాట్‌లో సీఎల్పీ నేత కుందూరు జానారెడ్డి, పీసీసీ వర్కింగ్ ప్రెసిడెంట్ మల్లు భట్టి విక్రమార్క, శాసన మండలి చైర్మన్ స్వామిగౌడ్, హైదరాబాద్ మేయర్ బొంతు రామ్మోహన్ వేర్వేరుగా పుష్కర స్నానాలు చేసి.. కృష్ణవేణికి ప్రత్యేక పూజలు నిర్వహించారు.

మట్టపల్లి పుష్కరఘాట్‌లో ఎస్సీ కార్పొరేషన్ చైర్మన్ పిడమర్తి రవి, రాజ్యసభ సభ్యుడు కెప్టెన్ లక్ష్మీకాంతరావు, హిమాలయాల నుంచి సాధువులు గణేష్ మహరాజ్ సహా పలువురు పుణ్య స్నానాలు ఆచరించారు. వీరితోపాటు ఇంకా పలువురు జిల్లాలోని పలు మారుమూల ఘాట్లలోనూ పుష్కర స్నానాలు చేయడం విశేషం. చివరిరోజు రాష్ట్ర డీజీపీ అనురాగ్ శర్మ పోలీసు ఉన్నతాధికారులతో కలిసి వాడపల్లి, నాగార్జున సాగర్‌లో పుష్కరఘాట్లను పరిశీలించారు. పోలీసుల కృషిని అభినందించారు.

అలరించిన సాంస్కృతిక కార్యక్రమాలు
12 రోజుల పుష్కర వేడుక ముగింపు సందర్భంగా వాడపల్లిలో జిల్లా అధికారులు ప్రత్యేక కార్యక్రమాలు నిర్వహించారు. ఉదయం శివకల్యాణంతోపాటు సాయంత్రం ఉత్సవ విగ్రహాలను నదిలో హంసవాహనం ద్వారా ఊరేగించారు. వాడపల్లిలో మొత్తం 8 పుష్కరఘాట్లలోనూ హంసవాహనానికి ప్రత్యేక హారతులు ఇచ్చారు. కన్నుల పండువగా సాగిన ఈ కార్యక్రమంలో జిల్లా కలెక్టర్ సత్యనారాయణ రెడ్డి, ఎస్పీ ప్రకాష్ రెడ్డి, ఎంపీ గుత్తా సుఖేందర్ రెడ్డి, ఎమెల్యే భాస్కర్‌రావుతోపాటు ఏజేసీ వెంకట్రావ్ పలువురు అధికారులు పాల్గొన్నారు.

వీటితోపాటు జిల్లా వ్యాప్తంగా సాగర్, మట్టపల్లి, మహంకాళిగూడెం, పానగల్, దర్వేశీపురం ఘాట్ల వద్ద చివరిరోజు నిర్వహించిన సాంస్కృతిక కార్యక్రమాలు అంగరంగ వైభవంగా సాగాయి. 12 రోజుల పండుగ ముగిసినా పుష్కరుడు ఏడాదిపాటు కృష్ణా నదిలోనే ఉండనున్నందున.. జిల్లాలోని కృష్ణాతీరానికి ఏడాది పొడవునా భక్తుల తాకిడి కొనసాగే అవకాశం ఉంది. వచ్చే ఏడాది కృష్ణా అంత్య పుష్కరాలు పూర్తయిన తర్వాత కావేరీ నదిలో పుష్కరుడి ప్రవేశం జరుగుతుంది.

Source:http://www.namasthetelangaana.com/Districts/Nalgonda/%E0%B0%8F%E0%B0%A1%E0%B0%BE%E0%B0%A6%E0%B0%82%E0%B0%A4%E0%B0%BE-%E0%B0%AA%E0%B1%81%E0%B0%B7%E0%B1%8D%E0%B0%95%E0%B0%B0%E0%B0%AE%E0%B1%87-22-599854.aspx

కృష్ణా పుష్కరం వైభవం!

-కన్నులపండువగాముగిసిన పుష్కరోత్సవాలు..
-పుణ్యస్నానాలు చేసి తరించిన భక్తులు..
-సీఎం కేసీఆర్‌కు జన నీరాజనం..
-12వ రోజు 18 లక్షల మంది రాక..
-కోటి 85 లక్షల మందికి పైగా పుష్కరస్నానాలు ఆచరించినట్లు అంచనా..
-సమన్వయం చేసిన మంత్రులు, ప్రణాళికా సంఘం ఉపాధ్యక్షుడు, జడ్పీచైర్మన్, ఎమ్మెల్యేలు..
-కలెక్టర్, ఎస్పీల చొరవతో ప్రశాంతం..
-ఊపిరిపీల్చుకున్న అధికారగణం..
-నదీహారతితో అంగరంగ వైభవంగా ముగింపు ఉత్సవాలు..
తెలంగాణలో తొలిసారి వచ్చిన కృష్ణా పుష్కరాలు జిల్లాలో వైభవంగా ముగిశాయి. తొలిరోజు సీఎం కేసీఆర్ జోగుళాంబ ఘాట్‌వద్ద నదీస్నానమాచరించి పుష్కరాలను ప్రారంభించగా, చివరిరోజు మంత్రులు ఇంద్రకరణ్‌రెడ్డి, జూపల్లి కృష్ణారావు, లకా్ష్మరెడ్డి, ప్రణాళికా సంఘం ఉపాధ్యక్షడు నిరంజన్‌రెడ్డి, జడ్పీ చైర్మన్ భాస్కర్, ఎమ్మెల్యేలు శ్రీనివాస్‌గౌడ్, ఆల వెంకటేశ్వర్‌రెడ్డి, గువ్వల బాల్‌రాజు, చిట్టెం రామ్మెహన్‌రెడ్డి, కలెక్టర్ శ్రీదేవి, ఇతర అధికారులు ఆయా ఘాట్లల్లో నదీహారతి ఇచ్చి ముగింపు వేడుకలు ఘనంగా జరిపారు.

మునుపెన్నడూ కనీవిని ఎరుగని రీతిలో కృష్ణా పుష్కరాలను రాష్ట్ర ప్రభుత్వం ప్రతిష్ఠాత్మకంగా నిర్వహించింది. జిల్లాలోని 52 పుష్కరఘాట్లలో భక్తులకు ఇబ్బంది తలెత్తకుండా మంత్రులు, అధికారులు చర్యలు తీసుకున్నారు. అవాంఛనీయ ఘటనలు జరగకుండా పోలీసు యంత్రాంగం పక్కా వ్యూహంతో భద్రత పటిష్టం చేసింది. తెలంగాణతో పాటు, మహారాష్ట్ర, కర్ణాటక, ఆంధ్రప్రదేదశ్ రాష్ర్టాల నుంచి తరలివచ్చిన భక్తులు, వీఐపీలు ప్రభుత్వం తీసుకున్న చర్యలతో శభాష్ అంటూ కితాబు ఇచ్చారు.

విపక్ష నేతలు సైతం పుష్కరాల ఏర్పాట్లు బాగున్నాయని సీఎం కేసీఆర్‌ను, మంత్రుల పనితీరును, ప్రభుత్వ యంత్రాంగాన్ని పొగడ్తలతో ముంచెత్తారు. కృష్ణవేణి పుష్కరాలతో ఎన్నో పట్టణాలు, పర్యాటక ప్రదేశాలు, ఆలయాలు భక్తులు, సందర్శకుల రాకతో తెలుసుకునే అవకాశం కలిగింది. సాంస్కృతిక కార్యక్రమాలతో పుష్కరాల కార్యక్రమం నేత్రపర్వంగా ముగిసింది.

కృష్ణా పుష్కరాలు విజయవంతమయ్యాయి. చివరి రోజైన మంగళవారం నదీ తీరం వెంట ఉన్న ఘాట్ల వద్ద భక్తుల సందడి నెలకొన్నది. పుష్కర స్నానం ఆచరించారు. నదికి హారతి ఇచ్చి పూజలు చేశారు. భక్తులు ఆ సమీపంలోనే ఉన్న పలు ఆలయాల్లో ప్రత్యేక పూజలు జరిపారు. చిన్నారుల నుంచి వృద్ధుల వరకు ప్రతి ఒక్కరూ పుణ్యస్నానం చేసేందుకు వివిధ ప్రాంతాల నుంచి భారీగా తరలివచ్చారు.

Source:http://www.namasthetelangaana.com/Districts/Mahboobnagar/%E0%B0%95%E0%B1%83%E0%B0%B7%E0%B1%8D%E0%B0%A3%E0%B0%BE-%E0%B0%AA%E0%B1%81%E0%B0%B7%E0%B1%8D%E0%B0%95%E0%B0%B0%E0%B0%82-%E0%B0%B5%E0%B1%88%E0%B0%AD%E0%B0%B5%E0%B0%82-20-599863.aspx

బీచుపల్లిలో 31 లక్షల మంది ..పుణ్య స్నానాలు

పన్నెండు రోజుల పాటు జరిగిన కృష్ణా పుష్కరాల్లో భాగంగా బీచుపల్లి పుష్కర ఘాట్‌లో 31 లక్షల మంది పుష్కర స్నానం ఆరించినట్లు పీజేపీ, నిఘా విభాగం అధికారులు అంచనా వేశారు. అధికారులు తెలిపిన వివరాలు ఇలా ఉన్నాయి. ఈ నెల 12న ప్రారంభమైన కృష్ణాపుష్కరాలకు 12న 3.20 లక్షలు, 13న 1.78, 14న 2.04, 15న 3.07, 16న 1.07, 17న 1.08, 18న 2.05, 19న 3.02, 20న 4.04, 21న 6.05, 22న 4.09, 23న 3.20 లక్షల మంది పుష్కర స్నానం చేసినట్లు అధికారులు వెల్లడించారు. ఒక్క బీచుపల్లి పుష్కర ఘాట్‌లో 31 లక్షల మంది పుష్కర స్నానం ఆచరించినట్లు అధికారులు తెలిపారు.

Source:http://www.namasthetelangaana.com/Districts/Mahboobnagar/%E0%B0%AC%E0%B1%80%E0%B0%9A%E0%B1%81%E0%B0%AA%E0%B0%B2%E0%B1%8D%E0%B0%B2%E0%B0%BF%E0%B0%B2%E0%B1%8B-31-%E0%B0%B2%E0%B0%95%E0%B1%8D%E0%B0%B7%E0%B0%B2-%E0%B0%AE%E0%B0%82%E0%B0%A6%E0%B0%BF-%E0%B0%AA%E0%B1%81%E0%B0%A3%E0%B1%8D%E0%B0%AF-%E0%B0%B8%E0%B1%8D%E0%B0%A8%E0%B0%BE%E0%B0%A8%E0%B0%BE%E0%B0%B2%E0%B1%81-20-599862.aspx

వీపనగండ్ల 2,35,105మంది పుణ్యస్నానం

పన్నెండేళ్ల తర్వాత వచ్చిన కృష్ణా పుష్కరాలు మంగళవారంతో ముగిశాయి. చివరిరోజు పుణ్యస్నానాలు ఆచరించేందుకు వీపనగండ్ల మండలంలోని జటప్రోలు, చెల్లెపాడు, పెద్దమారూర్ పుష్కరఘాట్లకు అధికసంఖ్యలో తరలివచ్చారు. జటప్రోలులో పాన్‌గల్ జడ్పీటీసీ రవికుమార్ దంపతులు పుష్కరస్నానం చేశారు. చెల్లెపాడు పుష్కరఘాట్‌లో సర్పంచ్ నరసింహ్మ ఆధ్వర్యంలో భక్తులు ప్రత్యేక పూజా కార్యక్రమాలు నిర్వహించారు.

విజయవంతంగా సాగిన పుష్కరాలు
ఈనెల 12న ప్రారంభమైన కృష్ణా పుష్కరాలు 12రోజులపాటు విజయవంతంగా సాగాయి. మండలంలో మొత్తం తొమ్మిది ఘాట్లను ఏర్పాటు చేయగా, జటప్రోలు, పెద్దమారూర్, చెల్లెపాడు ఘాట్లకు భక్తులు అధికసంఖ్యలో తరలివచ్చి పుణ్యస్నానాలను ఆచరించారు. మొత్తం దాదాపు 2,35,105మంది పుష్కరస్నానం చేశారు.

మదనగోపాలస్వామికి రూ.71,499 ఆదాయం
కృష్ణా పుష్కరాలతో జటప్రోలు మదనగోపాలస్వామి ఆలయానికి రూ.71,499 ఆదాయం వచ్చింది. పుష్కరాల ముగింపుతో హుండీల్లో భక్తులు వేసిన డబ్బులను మంగళవారం ఆలయ నిర్వాహకులు లెక్కించారు. ఆలయంలో ఉన్న మూడు హుండీలలో భక్తులు రూ.71,499లను వేశారు.

అన్నదానం మరువలేనిది
కృష్ణా పుష్కరాలకు వచ్చే భక్తులకోసం చిన్నంబావిచౌరస్తాలో మారం సంజన ఫౌండేషన్ ఆధ్వర్యంలో నిర్వహించిన అన్నదాన కార్యక్రమం మరవలేనిదని కొల్లాపూర్ మార్కెట్ చైర్మన్ రాంచంద్రారెడ్డి, తహసీల్దార్ ప్రభాకర్‌రావులు అన్నారు. ఫౌండేషన్ నిర్వాహకులు మారం సతీష్, మారం బాలకృష్ణ తదితరులను శాలువాలతో ఘనంగా సన్మానించారు. రూ.లక్షా 20వేలను ఖర్చుచేసి అన్నదానం దాతృత్వాన్ని చాటుకున్నారని తెలిపారు. కార్యక్రమంలో ప్రవీణ్, విజయ్‌కుమార్, గోపినాయుడు, సింగయ్యశెట్టి, తిరుపాల్, శేషువాణి, కృష్ణమూర్తి, రవికుమార్, సాయిబాబా తదితరులు పాల్గొన్నారు.

Source:http://www.namasthetelangaana.com/Districts/Mahboobnagar/%E0%B0%B5%E0%B1%80%E0%B0%AA%E0%B0%A8%E0%B0%97%E0%B0%82%E0%B0%A1%E0%B1%8D%E0%B0%B2-235105%E0%B0%AE%E0%B0%82%E0%B0%A6%E0%B0%BF-%E0%B0%AA%E0%B1%81%E0%B0%A3%E0%B1%8D%E0%B0%AF%E0%B0%B8%E0%B1%8D%E0%B0%A8%E0%B0%BE%E0%B0%A8%E0%B0%82-20-599861.aspx

3 కోట్ల భక్తులు పుష్కర స్నానం

పుష్కరాలు ఈ నెల 12 తెదిన ప్రారంభమై 23వ తెదిన ముగిసే సరికి మహబుబ్‌నగర్, నల్లగొండ జిల్లాలో దాదాపు 3 కోట్ల మంది భక్త జనం పుష్కర నీటిలో మునిగి స్నానం అచరించినట్లు దేవాదయ శాఖ మంత్ర ఇంద్రకరణ్‌రెడ్డి అన్నారు. మంగళవారం రాత్రి బీచుపల్లి పుష్కర ఘాట్ వద్ద కృష్ణమ్మకు నది హారతి ఇచ్చి పుష్కరాలకు ముంగిపు పలికారు. ఈ కార్యక్రమంలో రాష్ట్ర మంత్రులు జూపల్లి కృష్ణారావు, లకా్ష్మరెడ్డి, జడ్పి చెర్మెన్ బండారి భాస్కర్, ఎంమ్మెల్యేలు శ్రీనివాస్‌గౌడ్, ఆల వెంకటేశ్వరెడ్డి, జేసీ రాంకిషన్ పాల్గొన్నారు. పుష్కర భక్తులకు స్వచ్చంద సంస్థలు కల్కి, సత్యసాయి, విశ్వహిందుపరిషత్ తదితరులు సేవలు అందించడంపై కొనియాడారు. అనంతరం పుష్కర భక్తులకు సేవలందించిన ప్రతి డిపాట్‌మెంటు, స్వచ్చంద సంస్థల వారికి ఉత్తమ సేవ పత్రాలను అందించారు. కార్యక్రమంలో టీఆర్‌ఎస్ జిల్లా అధ్యక్షుడు బాద్మీ శివకుమార్, మాజీ ఎంపీ మంద జగన్నాథం, డీపీఆర్‌ఓ, గంగారెడ్డి, నాయకులు పాల్గొన్నారు.

Source:http://www.namasthetelangaana.com/Districts/Mahboobnagar/3-%E0%B0%95%E0%B1%8B%E0%B0%9F%E0%B1%8D%E0%B0%B2-%E0%B0%AD%E0%B0%95%E0%B1%8D%E0%B0%A4%E0%B1%81%E0%B0%B2%E0%B1%81-%E0%B0%AA%E0%B1%81%E0%B0%B7%E0%B1%8D%E0%B0%95%E0%B0%B0-%E0%B0%B8%E0%B1%8D%E0%B0%A8%E0%B0%BE%E0%B0%A8%E0%B0%82-20-599860.aspx

పదకొండో రోజు సుమారు 31 లక్షల మంది భక్తుల పుణ్యస్నానం……

రాష్ట్రంలోని మహబూబ్ నగర్,నల్గొండ జిల్లాల్లో కృష్ణమ్మ పుష్కరాలు అంగరంగ వైభవంగా కొనసాగుతున్నాయి. సోమవారం రెండు జిల్లాల్లోని పుష్కరఘాట్లుభక్తజనంతో కిటకిటలాడాయీ. నల్గొండ జిల్లాలో 10లక్షల మంది,మహబూబ్ నగర్ జిల్లాలో 21లక్షల మంది పుణ్యస్నానాలు ఆచరించినట్లు అంచనా.

Source:
Namasthe Telangana